棒球褸嘅輕便、舒適、時尚，唔再係男仔嘅專利，越嚟越多女仔已經開始識得欣賞。由毛絨絨嘅可愛衣著，轉向選擇棒球褸，亮麗帥氣嘅外套，足以顯示你嘅率性。每種個性棒球褸穿搭，都可以呈現出各種女仔率性嘅風格。

棒球褸女仔配搭之Boyfriend風格

心水棒球褸嘅女仔，骨子裡都會潛藏住一絲男仔頭嘅率性。如果你係呢種女仔，不妨試下Boyfriend風嘅配搭：棒球褸+T恤+窄腳褲+馬丁靴，咁就可以輕鬆襯出BF風嘅效果喇。

   

棒球褸女仔配搭之復古風格

拼色棒球褸配搭優雅大氣嘅長裙，舒適隨意嘅休閒混搭風就展現喺你面前。咁樣嘅配搭多咗復古同性感嘅味道，如此混搭出街，又點可以唔吸睛呢？

棒球褸女仔配搭之前衛時尚風格

黑色棒球褸配搭同色系嘅皮質leggings、及踝短靴，夠晒個性、前衛，一定啱晒鍾意歐美風嘅靚女們嘅口味！

棒球褸女仔配搭之學院風格

棒球褸係美式校園風嘅絕佳代表。帥氣嘅棒球褸同毛呢短裙配搭，休閒得嚟又不失大氣感，唔單止可以突顯女仔嘅可愛風格，冬天扮靚嘅同時仲可以禦寒。值得一提嘅係，襯埋冷帽，充滿學院風，青春活力即刻提升，絕對係校園女生們嘅上佳之選。同色系嘅配搭，簡約又舒服。

#棒球褸女 #女生穿搭 #Boyfriend風 #復古風 #前衛時尚 #學院風 #秋冬配搭 #時尚外套 #率性風格 #混搭造型