上次講完班TEE，今次同各位同學仔傾下班衫。同班TEE一樣，班衫都係用喺某啲活動或者做紀念用嘅。不過，班衫比起班TEE個範圍就闊啲啦，班衫可以係一件T恤、一件Polo，甚至係一件褸都得。無論係邊種班衫，都跟住一個大原則，就係要「統一」，而個統一嘅圖案就非常之重要喇。今日就等我講解下一般整班衫圖案有啲咩工藝啦。

1.      絲網印刷，簡稱絲印（silk screen printing / screenprint）

絲網印刷嘅好處就係唔受你印咩物料、幾大件、咩形狀限制，所以絲印喺整班衫方面都用得比較多。不過講返絲網印刷嘅唔好處，就係印刷速度比其他方法慢好多，印出嚟啲線條會粗啲，印唔到好精細嘅圖案，層次感都差啲，高光位唔易印得出，暗位又容易一撻撻。所以，乖乖地聽下設計師嘅意見，對整件靚班衫嚟講係好緊要㗎。

2.     電腦繡花、刺繡，車花，繡花圖案（embroidery）

繡花嘅好處就係比較立體，質感好好多，顏色都鮮艷啲。至於缺點呢，就係繡花嘅顏色選擇比起其他工藝冇咁豐富，而且價錢相對嚟講會貴啲。

3.      熱轉印，燙印，燙畫（熨畫），熱升華印花，鐳射燙畫（heat transfer printing）

熱轉印嘅好處係可以兼容好多種唔同嘅物料，用嘅範圍比頭先嗰幾種工藝仲要廣，而且唔容易整爛件衫料。不過缺點都好明顯，印出嚟個圖案摸上手會硬硬哋，透氣度差啲。洗過幾次之後會軟返少少，但透氣度始終都係麻麻哋。如果你打橫拉扯件熱轉印T恤，個圖案會有啲同布料纖維對應嘅細微裂紋。呢個係熱轉印本身嘅特性，冇得避免㗎。

各位同學仔，睇完上面介紹嘅工藝，係咪對班衫又有進一步嘅了解呢？想知更多資訊，歡迎繼續留意我哋iGift網啦！

#班衫工藝 #圖案製作 #絲印技巧 #繡花章 #熱轉印技術 #團體服訂製 #班衫設計 #制服印刷 #iGift教學 #活動服飾