印花T恤家陣係好興嘅一種衫，但係印花T恤應該點樣洗先可以防止佢變形同甩色呢？印花T恤啲印花通常都好靚嘅，但有啲人洗過一次之後，就會發現啲印花圖案冇啱啱買返嚟嗰陣咁鮮色，嗰啲係因為佢洗嘅方法唔啱。咁究竟印花T恤要點樣洗，先可以避免印花圖案變到暗啞嘅情況呢？

 

首先，洗印花T恤嘅時候要將件衫反轉嚟洗，咁樣可以減少印花T恤同其他衫褲嘅磨擦。而且印花T恤最好用40度以下嘅溫水或者凍水洗，洗印花T恤嗰陣，避免用刷擦，亦都唔好大力去搓。

其次，洗印花T恤嗰陣唔好用有漂白劑嘅洗衣用品，事前可以用凍水或者40度以下嘅溫水浸5分鐘，記住5分鐘就夠喇，唔可以浸太耐。最好用手洗，避免大力擰乾，自然風乾就得㗎喇。

最後，如果需要熨嘅話，用中溫熨就得，如果係有彈力纖維嘅底衫款式，就更加要注意熨嘅溫度，高溫會整爛啲纖維結構，好易令件衫冇咗彈性，最緊要嘅係，千祈唔好直接喺圖案上面熨，如果一定要熨，就要喺圖案上面蓋塊濕布。

 

最後，想知更多T恤印花嘅資訊，大家可以上iGift網站睇睇：www.igift.hk

#印花T恤 #T恤洗滌 #防止變形 #防止褪色 #印花保養 #洗衣技巧 #T恤熨燙 #手洗T恤 #避免漂白 #自然晾乾