運動味十足嘅棒球褸由今年秋冬季開始就hit到停唔到，打造緊街頭時尚新造型。棒球褸同裙裝配搭，一時可以打造嬌俏活力新look，一時又可以展現高端大氣上檔次嘅風格，一時又係森系原宿風情，咁多變嘅造型配搭，仲唔快啲嚟學下嘢？

香港iGift公司（www.igift.hk），專業訂製棒球褸，活動棒球褸批發，歡迎諮詢：Tel: 23601900 / Email :sales@igift.hk whatsapp: 6510 2802 / 6510 2893

 

造型一：棒球褸 + 鉛筆裙

彩色幾何圖案印花上衣襯深藍色拼灰色棒球褸，下身襯深灰色鉛筆裙，紫色N字鞋，小配件有sharp醒嘅粉紅色斜孭袋，金屬色腰帶同彩色圖案帶出奢華感嘅巴洛克風格，塑造摩登新造型。

造型二：棒球褸 + 黑色皮質傘裙

土豪金拼黑色大格仔嘅棒球褸，襯黑色高領冷衫同黑色皮質傘裙，黑色打底襪，黑色長筒靴，土豪金同黑色嘅配搭啱啱好，帶嚟高調嘅奢華感，夠晒大氣時尚。

造型三：棒球褸 + 黑色小傘裙

黑色皮料棒球褸襯黑色小傘裙，再加埋黑色高踭短靴，將運動風嘅棒球褸同優雅氣質嘅傘裙mix埋一齊，個混搭效果啱啱好，加對黑色高踭魚嘴鞋仲可以增添氣場添。

造型四：棒球褸 + 短裙

黑色布料拼接棒球褸外套，入面襯黑色冷衫同白色恤衫，下身揀條黑色開叉短裙帶出層次感，再襯黑色打底襪同黑色短靴。成個look以全黑色做主調，紅色冷帽就為造型加添色彩，製造視覺衝擊，豹紋皮質手拿包仲可以增強氣勢。

#棒球褸 #街頭時尚 #裙裝配搭 #秋冬潮流 #iGift訂製 #造型教學 #混搭風 #鉛筆裙 #傘裙 #時尚配飾