邊個話得男仔著波衫運動裝先至型？女仔著起上嚟絕對唔輸蝕。無論係足球衫、籃球衫定係棒球褸，當大家開始諗住著上身，就代表咗呢樣嘢已經成為一種潮流，亦係一種文化嘅表現。

 

棒球褸係波衫入面最受歡迎嘅款，比起籃球衫多咗份女仔嘅溫柔感。夏天到喇，專業棒球褸嘅料好舒服又涼爽，當你隨便出街唔知著咩好嗰陣，一件棒球褸就搞掂晒啦。

籃球衫多數係男仔鍾意嘅衫，但你都冇理由唔俾女仔著上身㗎嘛。呢件紅色籃球衫應該係訂造嘅，如果唔係點會前短後長，咁潮嘅籃球衫你哋見過未呀！

呢件棒球褸差唔多係進化版。黑色 lace 突出咗女性嘅特徵，入面襯件棉背心就更加有運動 feel。