夏天男人個衣櫃點可以冇件咁經典嘅Polo恤（Polo衫）呀？點樣穿搭先可以型男咁溝女呀？呢啲男裝Polo恤雖然經典又時尚，但同時都暗藏殺機㗎。Polo衫穿搭禁忌係咩？點解咁講？睇落去你就明㗎喇！

話Polo衫咁經典，係因為Polo衫最早可能係源於一個賭局。點解？

佢本身叫做網球衫。嗰陣時為咗贏到台維斯盃網球賽，有個鱷魚皮喼就做咗獎品。由嗰陣開始，呢個鱷魚嘜頭就成日出現喺男裝上面，鱷魚同網球就咁樣扯上關係，呢度隻鱷魚梗係指因為Polo衫而出晒名嘅LACOSTE啦。

    

到咗1927年，喺美國嘅冠軍錦標賽度，啲馬球運動員就係着住Polo衫第一次出場，搞到Polo衫從此聲名大噪。

到咗1933年，LACOSTE同美國當時最大嘅針織公司合作，開咗公司正式開始生產Polo衫。

▼下面張圖就係Polo衫最初個樣，嗰陣時得白色㗎咋，冇其他顏色。

之後，因為Polo衫夠實用，好快就興起嚟。跟住LACOSTE呢個牌子越做越大，其他牌子都落咗唔少功夫，呢度就一定要提吓Fred Perry。

Fred Perry本人嘅運動生涯都好威水㗎，佢唔單止係八次大滿貫冠軍，仲連續五年世界排名第一嘅網球選手。到咗20世紀40年代尾，佢先至開創自己個牌子。

    

隨住時代變遷，Polo衫已經進化到有好多唔同顏色俾大家揀。了解完Polo衫點樣成為經典之路，你係咪都想嗱嗱聲換返件呢？咪住先！

因為Polo衫個反領設計係佢與別不同嘅特點，比起平時啲T-shirt會正式啲。而家呢，佢呢個特點慢慢變成咗佢嘅死罪。

俗語都有話：“好馬配好鞍，好車配風帆”。一個有品味嘅男人就應該對自己講究啲，衫着得啱先可以引人注目，型爆全場！

咁點着先啱？The Jam樂隊嗰陣嘅Paul Weller，佢當時就示範咗點樣正確咁着Polo衫：扣晒啲鈕，然後將個領放返好，咁樣着勁精緻又型仔。

但總有啲人搞啲唔三唔四嘅着法出嚟──反領！呢個絕對唔掂呀！

求吓你哋呀，無論你係黑社會大佬定係打工仔，千祈咪反領呀！

    

仲有淘寶上面隨便一search就有嗰啲款，只會令人覺得你發緊夢，以為自己有貴族氣質。

仲有呢種將勁多LOGO、圖案堆晒上身嘅款，就算你覺得自己好有錢好閃，人哋只會覺得你係個混帳咋！

咩冰鎮一夏呀！你咁樣着出街，唔知啲路人打咗幾多個冷震呀。

咁究竟要揀Polo（揀咩Polo衫）先啱？上面教咗你點樣正確着Polo衫，你係都要着到成個混帳咁樣？

▼呢種乾乾淨淨，俾人高級嘅感覺。

▼顏色鮮明但又唔複雜。

 

▼如果你真係想著花哩花碌，唔著花款會死咁。咁麻煩你低調啲，身上啲顏色唔好超過三種呀！

再強調多次，千！祈！咪！反！領！呀！
#Polo恤著法 #男裝Polo恤 #Polo恤歷史 #反領Polo恤 #時尚Polo恤 #訂造Polo恤  #Polo恤穿搭